Ժամանակակից կյանքի սլացող ընթացքը այնքան է կենտրոնացնում մեզ ամեն ինչ հասցնելու վրա, որ չենք նկատում մեր վիճակի և տրամադրության փոփոխությունները: Եվ ուշադրություն ենք դարձնում այդ փոփոխություններին միայն այն ժամանակ, երբ կյանքի որակի անկումն ակնհայտ է դառնում: Ձեզ ծանո՞թ են մշտական դյուրագրգռությունը և հոգնածությունը, անհիմն զայրույթը, անքնությունը, ձեզ շրջապատող աշխարհից դժգոհությունը: Այս զգացողությունները մեզանից շատերն են ունեցել և բժշկության մեջ դա սահմանվում է որպես սթրես:
Սթրեսը օրգանիզմի ընդհանուր և առանձնահատուկ հարմարվողական ռեակցիան է զանազան արտաքին և ներքին ազդակների նկատմամբ, ինչպես նաև նյարդային համակարգի համապատասխան վիճակն է։ Սթրեսի հիմնական աղբյուրներն են` կոնֆլիկտները, աշխատանքային և անձնական կյանքի խնդիրները, ֆինանսական դժվարությունները, հանգստի պակասը և այլն: Ձեզ կարող է զարմացնել, բայց սթրեսը միշտ չէ որ բացասական է: Մեզ նույնիսկ փոքր սթրեսային իրավիճակներ են պետք, քանի որ դրանք մոբիլիզացնում են մտավոր և ֆիզիկական կարողությունները՝ թույլ տալով հնարավորինս արդյունավետ լուծել որոշակի խնդիրներ:
Այնուամենայնիվ, սթրեսը կարող է հանգեցնել նաև կրիտիկական հետևանքների.
- օրգանիզմի հյուծում,
- իմունիտետի թուլացում
- նյարդային, սրտանոթային, մարսողական և այլ համակարգերի հիվանդությունների զարգացում
Եվ, եթե սթրեսի պատճառը դեռ հնարավոր է պարզել, ապա շատ ավելի դժվար է հասկանալ, թե ինչպես պայքարել սթրեսի դեմ: Այդ իսկ պատճառով շատ կարևոր է ուշադիր լինել ինքնազգացողության նկատմամբ և կանխել սթրեսի վերաճումը քրոնիկ փուլի: Ի վերջո, քրոնիկ սթրեսը՝ նվազեցնելով մեր աշխատունակությունը և զգալիորեն վատացնելով մեր կյանքի որակն, լուրջ սպառնալիք է առողջության համար:
Սթրեսի զարգացումը կանխելու համար խորհուրդ է տրվում ընդունել միջոցներ, որոնց բաղադրիչները նրբորեն ազդելով օրգանիզմի վրա, նվազեցնում են անհանգստության մակարդակը և թույլ չեն տալիս բացասական հույզերի կուտակումը:
ՍԹՐԵՍՈՎԻՏ®-ը կոմբինացված հանգստացնող միջոց է, որը բաղկացած է բուսական բաղադրիչներից, մագնեզիումից և վիտամին B6-ից: Բուսական բաղադրիչներն ունեն հանգստացնող ազդեցություն, իսկ մագնեզիումը և վիտամին B6-ը` վերականգնող ազդեցություն նյարդային համակարգի վրա:
ՍԹՐԵՍՈՎԻՏ®-ի բուսական բաղադրիչներն են` առյուծագին, լորենին և գայլուկը:
Առյուծագի. Ունի հանգստացնող ազդեցություն և խորհուրդ է տրվում օգտագործել անհանգստության, դյուրագրգռության, քնի խնդիրների դեպքում:
Լորենի. Հայտնի է օրգանիզմի վրա հանգստացնող և հակասպազմատիկ ազդեցությամբ: Լորենին օգտագործվում է լարված մկանները հանգստացնելու և ցավը թեթևացնելու համար: Լորենու ծաղկի ընդունումը խորհուրդ է տրվում ծանր ֆիզիկական և մտավոր գործունեություն ժամանակ և սթրեսային իրավիճակներում:
Գայլուկ. Ունի հակասեպտիկ և հակաբորբոքային հատկություններ և հակասպազմատիկ ազդեցություն: Նևրոզների, ծանր սթրեսի և անքնության ժամանակ գայլուկը օգտագործվում է որպես հանգստացնող միջոց այլ դեղամիջոցների հետ համատեղ:
Վիտամին B6. Անհրաժեշտ է նյարդային համակարգի բնականոն գործունեության համար և մասնակցում է հուզական վիճակի վերահսկման գործընթացներում: Վիտամին B6-ը ունի դրական ազդեցություն կենտրոնական և ծայրամասային նյարդային համակարգի վրա, բարելավում է մտավոր և ֆիզիկական աշխատունակությունը, ամրացնում է նյարդային համակարգը:
Մագնեզիում. Ունի հանգստացնող ազդեցություն, կենտրոնական դեր է խաղում նյարդային գործունեության կարգավորման, նյարդամկանային փոխանցման, սրտի գործունեության, անոթային տոնուսի կարգավորման, արյան մակարդելիության և ոսկրային հյուսվածքի նյութափոխանակության մեջ: Մագնեզիումը ծառայում է որպես բնական հակասթրեսային գործոն և նվազեցնում է օրգանիզմի զգայունությունը արտաքին ազդակների նկատմամբ: Մագնեզիումի անբավարարությունը կարող է հանգեցնել այնպիսի երևույթների, ինչպիսիք են աճող դյուրագրգռությունը, հոգնածությունը, քնի խանգարումները: Մագնեզիումի անբավարարության համալրումը նպաստում է սթրեսակայունության բարձրացմանը, մկանների թուլացմանը, նյարդային համակարգի գրգռվածության նվազմանը և քնի կարգավորմանը:
Ակտիվ բաղադրիչների նման օպտիմալ համադրությունը ապահովում է ՍԹՐԵՍՈՎԻՏ®-ի արդյունավետությունը՝ չխանգարելով օրգանիզմի բնական ռեակցիաներին:
Օրական ընդամենը մեկ պատիճ ՍԹՐԵՍՈՎԻՏ® ընդունելը 2-3 շաբաթվա ընթացքում օգնում է նվազեցնել նյարդայնությունը, դյուրագրգռությունը, լարվածությունը և վերականգնել նյարդային համակարգը, որի արդյունքում բարձրանում է սթրեսակայունությունը, մտավոր և ֆիզիկական աշխատունակությունը և, իհարկե, տրամադրությունը:
Բացահայտեք լիարժեք հուզական կյանք և լավ տրամադրություն ՍԹՐԵՍՈՎԻՏ®-ի հետ: