Վիտամին-D-ի օգտակար հատկությունները

Տարիներ շարունակ համարվում էր, որ վիտամին D-ն պատասխանատու է միայն ոսկորների և ատամների առողջության և ամրության համար: Այնուամենայնիվ, վերջին տարիների բազմաթիվ ուսումնասիրություններն ապացուցել են, որ մեր մարմնում «արևային վիտամինի» աշխատանքը այդքանով չի սահմանափակվում:

Նախ և առաջ, հենց վիտամին D-ն է պատասխանատու մեր իմունիտետի որակյալ և արդյունավետ աշխատանքի համար: Բանն այն է, որ այն ակտիվացնում է պաշտպանող բնական քիլեր (սպանող) բջիջները, որոնց խնդիրն է գտնել և ոչնչացնել վիրուսներն ու մանրէները: Ավելին, վիտամին D-ն անմիջականորեն ազդում է իմունիտետի 2 տեսակի վրա` բնածին և ձեռքբերովի:

Երկրորդ, պարզվել է, որ վիտամին D-ն նպաստում է ուրախության և հաճույքի հորմոն դոֆամինի արտադրությանը: Հետևաբար, դրա պակասը հաճախ հանգեցնում է անտարբերության, վատ տրամադրության և նույնիսկ դեպրեսիաի:

Արյան մեջ կալցիումի օպտիմալ մակարդակի վերահսկման շնորհիվ, «արևային» վիտամինն օգնում է նյարդային համակարգին աշխատել առանց խափանումների, իսկ մկաններին՝ պահպանել ուժն ու կենսունակությունը: Վիտամին D-ի պակասի ժամանակ մեր ուժերը սպառված են, և քրոնիկ հոգնածությունը մշտական ուղեկից է դառնում նույնիսկ հանգստյան օրերին և արձակուրդում:

Վիտամին D-ն դպրոցականների, ուսանողների և գրասենյակային աշխատողների ամենալավ օգնականն է, քանի որ այն օգնում է բարելավել հիշողությունը և ուշադրության կենտրոնացումը:

«Արևային վիտամինը» մեծ ազդեցություն ունի ենթաստամոքսային գեղձի վրա, մասնավորապես՝ ինսուլինի սինթեզի և արյան մեջ շաքարի կարգավորման վրա: Կանանց մոտ այն նաև խթանում է սեռական հորմոնների արտադրությունը, ինչը բարենպաստորեն ազդում է բեղմնավորման ունակության վրա:

Եվ ի վերջո, վիտամին D-ն դանդաղեցնում է ծերացման գործընթացը՝ թույլ տալով պահպանել երիտասարդությունը և առույգ տրամադրությունը:

Դժբախտաբար, այս կարևորագույն վիտամինը գրեթե անհնար է բավարար քանակությամբ ստանալ բնական ճանապարհով` արևի ճառագայթների կամ սննդի միջոցով:

Վիտամին D-ի արտադրությունն արգելակում են ապակիները, ամպերը, օդի աղտոտվածությունը, հագուստը և նույնիսկ SPF-ով քսուքները:

Սննդի միջոցով վիտամինի անհրաժեշտ քանակ ստանալը նույնպես գրեթե անհնար է: Ըստ վիճակագրության՝ սննդի միջոցով մենք ստանում ենք «արևային» վիտամինի օրական չափաբաժնի ոչ ավելին քան 10%-ը: Յուղոտ ձուկն ու ձողաձկան լյարդը հասանելի չեն բոլորին, իսկ նախաճաշին 4 լիտր կաթ խմելը կամ 9 հավկիթ ուտելը պարզապես անհնար է:

Ստացվում է, որ բնակչության ավելի քան 80%-ը չի ստանում անհրաժեշտ քանակությամբ վիտամին D և տառապում է դրա անբավարարության հետևանքով: Ամբողջ աշխարհում բժիշկները տվյալ իրավիճակից միակ արդյունավետ ելքն են համարում վիտամին D սննդային հավելումների ընդունումը: Դա օգնում է պահպանել «արևային վիտամինի» օպտիմալ մակարդակը և որպես արդյունք, ակտիվացնել իմունիտետը, ազատվել քրոնիկ հոգնածությունից, ամրացնել ոսկորներն ու ատամները և միշտ ունենալ հիանալի տրամադրություն: